Kampionia shqiptare e Europës në garën me pengesa 3000 metra, Luiza Gega ka mbërritur në Rinas, ku është pritur me një ceremoni të organizuar në nder të saj.
Për herë të parë në histori, Shqipëria arriti të siguronte një medalje ari në atletikë në një kampionat madhor si Europiani. Luiza Gega u rikthye këtë të hënë në atdhe ku u prit në Rinas nga Ministrja e Arsimit dhe Sportit Evis Kushi dhe nga presidenti i KOKSH, Fidel Ylli.
Ministrja u shpreh se ditën e nesërme do të organizohet edhe ceremonia zyrtare në Kryeministri, ku do t’i dorëzohet sportistes medalje.
“Të jesh kampione e Europës nuk mjafton vetëm talenti, por duhet shumë punë dhe mund. Luiza me shumë sakrifica i’a ka dalë. Prandaj sot jemi këtu, për modelin që ajo përfaqëson”, tha Ministrja e Sportit dhe Arsimit.
