Ardit Gjebrea është një personazh publik, dhe falë emrit të tij, disa grabitës kanë arritur me mjaft mjeshtëri që të vjedhin tek miqtë e tij dhe bashkëshortes së tij. Tashmë është zbardhur skema se si janë kryer këto mashtrime.
View this post on Instagram
Të gjitha në një muaj e gjysmë, ku grabitësit u kërkonin para miqve të familjes për disa shërbime. “Iconstyle.al” ka hedhur dritë mbi disa detaje rreth kësaj ngjarje, ku janë përfshirë disa persona që kanë kryer mashtrime të ndryshme.
Në fund të muajit tetor u raportua se moderatori i mirënjohur Ardit Gjebrea, kishte rënë pre e një mashtrimi. Një person duke përdorur identitetin e tij, i ka kërkuar borxh 200 mijë lekë të reja mikut të Arditit, duke përdorur numër dhe foto false në WhatsApp dhe Viber.
Në një hark kohor të shkurtër, të njëjtët persona, duke përdorur figurën e tij dhe të bashkëshortes së tij, Anilës, janë munduar të zhvatin biznese e miq të moderatorit.
View this post on Instagram
Mashtrimi i parë kur është përdorur emri i Anila Gjebreas lidhej me vlerën e 150 mijë lekëve të reja të shpenzuara për lule. Kjo porosi është bërë duke përdorur një numër fals në WhatsApp, ku po ashtu mashtruesit kanë vendosur një foto të një personi që i ngjante Anilës.
Mashtrimi i dytë kap vlerën e 200 mijë lekëve të reja, këtë herë të shpenzuara për parfume. Përsëri duke përdorur emrin e çiftit Gjebrea, ata kanë porositur parfume me këtë shumë lekësh.
Ndërsa mashtrimi i tretë është ai kur i kanë kërkuar 2.000 euro mikut të Arditit. Çështja në fjalë i ka kaluar organeve kompetente, dhe një pjesë e rrjetit të mashtruesve është arrestuar. Arditi bashkë me bashkëshorten dhe personat që kanë rënë pre e mashtrimeve kanë dhënë dëshmitë e tyre, teksa hetimi vijon ende.
