Zbardhen detaje nga operacioni i madh i policisë italiane ka vënë në pranga 25 persona, si pjesë e bandës së madhe të trafikut të drogës nga Shqipëria. Mediat italiane bëjnë të ditur se operacioni është finalizuar me ndihmën e policisë në Catanzaro, në bashkëpunim me agjencitë përkatëse në Romë, shkruan Tirana Today
Në pranga janë vënë 25 vetë, mes të cilëve edhe 3 kapot e bandës, përgjegjës për trafikun e 5 ton marijuanë nga Shqipëria.
Po ashtu janë zbuluar identitetet e tre shqiptarëve të arrestuar që janë: Shefik Muho 34 vjeç, nga Vlora, Elvis Hajdini 25 vjeç, nga Vlora dhe Indrit Buja.
Por, emri i Shefik Musho, nuk është i panjohur për policinë italiane. Kështu në qershor të vitit 2017,
Guardia di Financa shkatërroi një grup italo-shqiptar të trafikut ndërkombëtar të lëndëve narkotike, ndërkohë që ka sekuestruar më shumë se 3.5 ton kanabis, vlera e të cilës në treg, përllogaritet rreth 35 mln euro.
Bëhet fjalë për një organizatë prej 14 personash, mes të cilëve edhe katër shqiptarë, të gjithë të arrestuar, që operonte në Brindisi.
Grupi kriminal kryente transport, shpërndarje, shitje dhe dorëzim të lëndëve narkotike, kryesisht të marjuanës që vinte nga Shqipëria.
Sipas mediave italiane, shqiptarët e vënë pranga ishin, Vaso Mekshi, 39 vjeç, Shefik Muho 33 vjeç dhe Leonard e Emilian Bufi, 36 dhe 31 vjeç.
Drejtoria e Antimafias së Leçes kishte nisur hetimet për këtë grup që në gusht të 2016-ës, ndërkohë që gjatë operacioneve janë sekuestruar edhe armë dhe municione.
Sipas hetuesve, të cilët kanë sekuestruar edhe 2 mjete lundruese, përveç Adriatikut dyshohet se trafikantët kanë përdorur edhe rrugë tokësore për transportimin e hashashit nga Shqipëria drejt Italisë. TIRANA TODAY
