Një 36-vjeçar shqiptar është ekzekutuar përpara banesës së tij në Britani.
Sipas mediave vendase, Flamur ‘Alex’ Beqiri është qëlluar për vdekje në sy të gruas dhe fëmijës së tij të mitur, para shtëpisë së tij që kushtonte 1.5 milion paund.
Atentatori i armatosur është larguar me shpejtësi nga vendi i ngjarjes, ndërsa nuk është bërë ende identifikimi i tij. 36-vjeçarit shqiptar iu dha ndihma e shpejtë nga një fqinj, i cili ishte edhe mjek. Por Flamur Beqiri nuk mundi t’i mbijetonte plagëve të marra.
Flamur Beqiri, i cili njihej nga miqtë e tij me emrin Alex ishte nga Ferizaj i Kosovës. Ai punonte si producent për disa artistë të njohur të zonës. Ai ishte vëllai i Misse Beqiri, e njohur në Britani mbi pjesëmarrjet e saj në spektaklet televizive “reality”.
Flamuri ishte i martuar prej pak vitesh, teksa me gruan e tij Dëbora Krasniqi u njoh nëpërmjet Facebook. Ai organizoi një martesë luksoze në Tetor 2018, në Liqenin e Como, që bëri bujë edhe në mediat shqiptare.
Misse dhe partneri i saj morën pjesë në dasmë, ku ajo ndau një video prekëse për 239,000 ndjekësit e saj.
“Një dashuri magjike. Urime për mikun dhe vëllain tim më të mirë. Unë ju dua të dyve. Një histori e vërtetë dashurie”, shkruante ajo në atë kohë.
