Zbardhet emri i 27-vjeçarit shqiptar të vrarë pasditen e sotme në Patra të Greqisë. Mësohet se shqiptari është identifikuar si Mario Metaj.
Megjithatë, ende nuk ka të dhëna lidhur me të shkuarën e tij dhe shkakun që mund të jetë sjellë përplasjen me vrasësit e tij, të cilët dyshohet se janë gjithashtu shqiptarë.
Policia është vënë në ndjekje të dy personave, që u larguan në këmbë nga vendngjarja pasi kryen vrasjen.
Ata ishin të veshur me të zeza dhe janë larguar me shpejtësi, ndërkohë që disa burime bëjnë me dije se ka pasur shkëmbim zjarri dhe një prej atentatorëve ka mbetur i plagosur.
