U dëmtua rëndë në ndeshjen me Torinon, ja si është gjendja e Elseid Hysaj

Futbollisti i kombëtares shqiptare, Elseid Hysaj, pësoi një dëmtim të rëndë, në ndeshjen mes Torinos dhe Napolit.

Hysaj u rrëzua keq gjatë një dueli me Ansaldin, duke dëmtuar kështu pjesën e qafës. Lojtari u detyrua të linte lojën që në minutën e 35-të ndeshjes, teksa u largua nga fusha me barelë.

Ndërkohë është mësuar edhe gjendja e shkodranit, teksa “Sky Sport” raporton, se gjendja e shqiptarit, nuk është shqetësuese. Mësohet se ai do t’i nënshtrohet disa testeve mjekësore, siç është e zakonit në të tilla dëmtime, por fatmirësisht nuk ka asgjë të rëndë.