Maroi Meshini, njëri prej të arrestuarve për ekzekutimin e 41-vjeçarit, Devi Kasmit në Janar të vitit 2018, është lënë i lirë sot nga Gjykata e Tiranës.
Meshini, u arrestua pasi dyshohej se kishte nxjerrë nga shtëpia Kasmin, ndërsa mbi të rëndonte akuza e moskallëzimit të krimit.
Ai u prangos në shtëpinë e tij, teksa u zbulua pas verifikimit të thirrjeve dhe mesazheve telefonike në telefonin e Kasmit.
Viktima u qëllua disa herë me pistoletë në kokë dhe trup në derën e banesës së tij, ndërsa policia dyshon se porositës i vrasjes është Domart Konjari, i shpallur në kërkim nga autoritetet shqiptare dhe ato franceze.
