Ministri Gent Cakaj ka zhvilluar një takim me ministrin e Punëve të Jashtme të Finlandës, Timo Soini, i cili shfaqet pro hapjes së negociatave për anëtarësimin E Shqipërisë në Bashkimin Evropian.
Ministri i Jashtëm, Soini konfirmoi se vendi i tij do të përpiqet jo vetëm të jetë votues në favor të Shqipërisë, por edhe lobues pranë shteteve të tjera. Ai gjithashtu vlerësoi progresin e bërë deri tani në plotësimin e prioriteteve kryesore dhe inkurajoi për vazhdimin e reformave në vend.
Gjatë takimit në Helsinki, Cakaj shprehu mirënjohje për mbështetjen e vazhdueshme të Finlandës.
Dy ministrat, Cakaj dhe Soini, diskutuan edhe për bashkëpunimin e mëtejshëm dypalësh në kuadrin e politikës së jashtme dhe ekonomisë.