53-vjeçari që akuzohet se ka kryer marrëdhënie me dhunë me një të mitur, do të qëndrojë në qeli, deri sa të zbardhen rrethanat e tjera të ngjarjes, që mund të ndryshojnë tërësisht padinë.
Kabul Hunda ka qendruar i qetë në gjykatë, ndërsa ka treguar një detaj që mund të ndryshojë rrjedhën e ngjarjes.
Ai ka deklaruar se nuk ka patur asnjë raport me 16-vjeçaren. Sipas tij, 16-vjeçarja ka pasur dhe ka raporte intime me një 32-vjeçar nga qyteti i Libohovës.
“Jam shumë i qetë, se në përfundim do dalë tjetërkush i akuzuar për një vepër të stisur”, është shprehur Hunda. Ai ka deklaruar më tej se 16-vjeçaren e ka trajtuar si vajzën e tij, pasi janë pjesë e një familje, dhe në asnjë rast nuk ka pasur tentativa për të kryer ndonjë marrëdhënie intime.
“Jam i bindur që pas kryerjes së analizave në trupin e 16-vjeçares, do zbulohet ADN-ja e një tjetër personi që është 32 vjeç, nga Libohova”, u shpreh Hunda. Në përfundim, gjykata ka lënë në burg 45 ditor Kabul Hundën, i dyshuar për përdhunimin e një të miture nga qyteti i Libohovës.
