E enjte, 2 Dhjetor, 2021
13.5 C
Tirana

Shpërthen cisterna e naftës, 91 të vdekur në Sierra Leone

Të paktën 91 persona kanë vdekur pas një shpërthimi masiv, kur një cisternë karburanti u përplas me një kamion në kryeqytetin e Sierra Leones, Freetown. Karburanti u derdh përpara se të ndizej dhe zjarri përfshiu kalimtarët dhe automjetet në një kryqëzim të ngarkuar.

Pamjet e transmetuara nga mediat lokale, treguan trupa të djegur keq në rrugët përreth cisternës. Presidenti Julius Maada Bio tha se ai ishte “thellësisht i shqetësuar nga zjarret tragjike dhe humbjet e tmerrshme të jetës”. Në një postim në Twitter, ai u shpreh se qeveria e tij do të bënte “gjithçka për të mbështetur familjet e prekura”.

Kryebashkiaku i Freetown-it, Yvonne Aki-Sawyerr, përshkroi se kishte parë foto “rrëqethëse” dhe tha se kishte “thashetheme se më shumë se 100 njerëz kanë humbur jetën”. Morgu shtetëror raportohet se ka marrë më shumë se 90 trupa dhe rreth 100 njerëz po trajtohen në spitale dhe qendra shëndetësore rreth Freetown.

Një burim tha se një autobus plot me njerëz ishte djegur plotësisht, ndërsa dyqanet dhe tezgat e tregut aty pranë u përfshinë nga flakët. Brima Bureh Sesay, kreu i Agjencisë Kombëtare të Menaxhimit të Fatkeqësive në Sierre Leone, tha për mediat lokale se nuk kishte parë kurrë diçka të tillë.

Në vendin e aksidentit ka ende pjesë trupash të shtrira në automjetet e djegura. Motoçikletat-taksitë aty pranë filluan të mbledhin karburantin që rrjedh, duke shkaktuar bllokim trafiku. Menjëherë pas kësaj ka ndodhur një shpërthim. Ushtria, policia dhe forcat zjarrfikëse janë të gjitha në vendngjarje. Një mbledhje urgjente e kryesuar nga zëvendëspresidenti do të fillojë së shpejti.

Qyteti port i Freetown, i cili është shtëpia e pak më shumë se një milion njerëzve, është përballur me disa fatkeqësi serioze vitet e fundit.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

24 vende të botës me Omicron, OBSH: Rrezik më i lartë i ri-infektimit

Zyrtarët shëndetësorë thonë se varianti i ri i koronavirusit Omicron tani është bërë dominues në Afrikën e Jugut, dhe po nxit një rritje të...

Greqia konfirmon rastin e parë të Omicron. Gjobë kush nuk vaksinohet

Greqia ka raportuar rastin e parë të variantit të koronavirusit Omicron në ishullin e Kretës, njoftoi sot në mëngjes Ministri grek i Shëndetësisë, Thanos...

Akuzat për “Toyota Yaris”, Balla-Bashës: Kallëzoje penalisht Berishën

Në Kuvend janë rikthyer sërish përplasjet e ashpra ndërmjet mazhorancës dhe opozitës, në lidhje me ndryshimet në ligjin për "Pastrimin e parave". Kreu i...

4 mijë euro për gradën “Nënkomisar”, SPAK del me njoftimin e rëndësishëm

Një kryekomisar, me detyrë Lektor në Fakultetin e Hetimit pranë Akademisë së Sigurisë si dhe një Inspektor në Drejtorinë e Qarkullimit Rrugor të Policisë...

Basha: Institucionet shtetërore me kod omerta të mafies, pranoni Vettingun

Kryedemokrati Basha, nga Kuvendi bëri thirrje që të pranohet kërkesa për Vettingun në politikë. Gjatë fjalës së tij në seancën plenare në Kuvend, Basha...