E diel, 28 Nëntor, 2021
13.5 C
Tirana

Trupin e kishin mbuluar me gurë e zhavorr, pranga shokut të biznesmenit

Policia e Tiranës ka zbardhur rrëmbimin dhe vrasjen e biznesmenit Ruzhdi Hoxha. Ai u gjet i vrarë me armë zjarri në zonën e Qafë Mollës në Dajt. Trupi i pajetë ishte groposur në zonë dhe mbuluar me gurë dhe gjethe, për të humbur gjurmët. Fillimisht policia ka gjetur një xhup i cili ka një shenjë plumbi, dhe disa sende të lyera me gjak që i përkisnin biznesmenit. Me anë të nuhatjes së qenve, u arrit të gjendej dhe trupi i pajetë i tij në Qafë Mollë të Dajtit.

Prej 20 tetorit, biznesmeni Ruzhdi Hoxha, rezultonte i zhdukur dhe ishte denoncuar në komisariatin nr. 5 nga familjarët. Mendohet se Hoxha mund të jetë rrëmbyer dhe më pas çuar në zonë e Qafë Mollës ku dhe është vrarë. Dyshimet kryesore të policisë si autor të ngjarjes bien mbi mikun e tij, me precedentë penalë, Fredi Rrushi. Ai ka qenë personi i fundit që ka takuar Ruzhdi Hoxhën, në një bar kafe në Kamzë.

Njoftimi i policisë

“Sipas burimeve zyrtare, për rrëmbimin dhe gjetjen e tij, Drejtoria Vendore e Policisë Tiranë ngriti një grup të posaçëm hetimor nën drejtimin e Prokurorisë së Rrethit Gjyqësor Tiranë.

Si rezultat i kërkimeve dhe punës hetimore 10 ditore të bërë nga grupi hetimor në Sektorin për Krimet e Rënda në DVP Tiranë, u bë e mundur grumbullimi i provave për autorësinë e kësaj ngjarje dhe mesditën e djeshme si rezultat i kërkimeve, shërbimet e policisë bënë të mundur që në zonën e Dajtit të gjenin një xhup, ku pas verifikimeve rezultoi se i përkiste shtetasit Ruzhdi Hoxha.

Nisur nga gjithë provat e grumbulluara, paraditen e sotme, Strukturat Hetimore të DVP Tiranë, Komisariati i Policisë Nr.4, Forcat Shqiponja, Fnsh dhe Instituti i qenëve të Policisë nën koordinimin e Departamentit të Policisë Kriminale dhe Departamentit për Sigurinë në Drejtorinë e Përgjithshme të Policisë së Shtetit, u zhvillua një operacion kërkimi masiv në të gjithë zonën e Dajtit.

Si rezulat edhe i kontrollit me qentë e gjurmës, u bë e mundur që në Qafë-Mollë, mbrapa Dajtit, në një greminë, u gjet i mbuluar me zhavor e gurë trupi i pajetë i shtetasit Ruzhdi Hoxha. Trupi i pajetë do transportohet në morgun e spitalit për kryerjen e ekspertizës mjeko-ligjore, për të përcaktuar shkakun e humbjes së jetës.

Ndërkohë, po si rezultat i punës hetimore të kryer nga Strukturat Hetimore të DVP Tiranë, është bërë e mundur zbardhja e autorësisë së kësaj ngjarje, ku dyshohet se shtetasi Fredi Rrushi, i arrestuar më datë 26 tetor 2021 nga DVP Tiranë, si person i shpallur në kërkim ndërkombëtar nga autoritetet ligjzbatuese italiane për veprën penale të trafikimit të narkotikëve, është autor i dyshuar i kësaj ngjarje.

Nën drejtimin e Prokurorisë, po vijojnë veprimet hetimore për dokumentimin e plotë ligjore të kësaj ngjarje, dhe të kryerjes se procedurave ligjore për ndalimin e autorit të kësaj ngjarje.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...