Mjekët turq kanë testuar sot për herë të parë vaksinën kundër koronavirusit, tek një punonjës shëndetësor.
Asim Baştürk, 53-vjeç, doli vullnetar në fazën e tretë të testit të vaksinës të zhvilluar nga Kina.
“Sot, ne filluam testimin e fazës 3 të vaksinës me origjinë kineze nga shkolla mjekësore Cerrahpaşa. Kjo është një ditë e rëndësishme për Fakultetin e Mjekësisë Cerrahpaşa. Kjo luftë (kundër virusit) vazhdon në Cerrahpaşa, si në spitalet e tjera dhe në botë”, tha Mustafa Sait Gönen, dekani i Fakultetit kryesor turk të Mjekësisë të Universitetit Cerrahpaşa në Stamboll.
Sipas tij, nga 335 mijë pacientë që kishin vizituar institucionin që nga marsi, 27 mijë ishin trajtuar për COVD-19 dhe 77 mijë ishin testuar.
Nga ana tjetër, 53-vjeçari që doli vullnetar tha për gazetarët se: “Unë dola vullnetar me dëshirën time. Sigurisht, ne duam që ky (virus), i cili po krijon telashe për Turqinë dhe botën, të eliminohet së shpejti”.
