Dje, presidenti i Turqisë Rexhep Tajip Erdogan paralajmëroi forcat qeveritare siriane se do të ndërhyjë me ushtrinë në rast se preken ushtarët turk në rajonet e konfliktit.
Mësohet se pas paralajmërimit, Forcat e Armatosura të Turqisë kanë vendosur përforcime të trupave komando drejt pikave të vëzhgimit në Idlib të Sirisë. Forcat komando dhe mjetet e blinduara të ushtrisë janë zhvendosur drejt kufirit sirian. Ndërmjet armatimeve ka rënë në sy edhe prezenca e multi-raketahedhëseve.
“Turqia tani do t’i godasë në çdo vend forcat e regjimit sirian nëse ushtarët tanë pësojnë edhe dëmin më të vogël. Unë deklaroj se nëse ka një sulm të mundshëm mbi ushtarët tanë nga sot e tutje, ne do të godasim regjimin sirian kudo jashtë marrëveshjes së Soçit”, tha Erdogan.
