Aktualisht ekonomia shqiptare nuk është në ditët e saj më të mira, kjo për shkak të pandemisë. Por ish-ministri i Shëndetësisë, Ilir Beqaj, tanimë deputet i PS në Kuvend, ka propozuar një alternativë për të dalë nga kjo krizë që ka mbërthyer vendin. Beqaj i ka propozuar qeverisë që gjatë verës, 2 ose 3 fundjava të vendosë që të lerë pushim administratën të premten dhe të hënën, përveç ditës së shtunë dhe të diel.
“I kërkoj qeverisë nga sot deri në 14 shtator kur fillon shkolla janë 9 javë, të mund të marrë në konsideratë që në 2 ose 3 fundjava ta bëjë ditë pushim edhe një të premte dhe një të hënë, që njerëzit të kenë mundësi për më shumë alternativa.
Të mos mbivendosemi të gjithë në gusht, dhe të shlodhemi edhe ndihmojmë ekonominë. Pra nëse mund të shpallim tre fundjava, njerëzit mund të programojnë punët dhe prenotimet”, tha ai në foltoren e Kuvendit.
