Deputetët e Kuvendit të Kosovës nuk e kanë votuar rezolutën e propozuar nga kryeparlamentarja, Vjosa Osmani, për shkarkimin e zv/kryeministrit Goran Rakic.
Pas propozimit të Osmanit, deputetët e Kuvendit nuk kanë votuar pro që kjo rezolutë të hyjë në rend të ditës. Nga 79 deputetë që ishin të pranishëm, vetëm 55 prej tyre kanë votuar pro.
“55 vota për dhe 1 abstenim nuk hyn në votim, në sallë ishin 79”, bëri të ditur Osmani.
Osmani propozoi sot një rezolutë në Kuvend pas deklaratës së Listës Serbe për situatën në veri, si dhe konferencën ku Rakic njofton për vendosjen e karantinës në veri.
“Propozoj që të hyj në rend të ditës, kjo propozim-rezolutë. Kuvendi i Kosovës propozon: Pika 1 Rikonfirmon se sovraniteti i Kosovës është i pacenueshëm çdo thirrje tjetër kërcënon themelet e shtetit të Kosovës.
Pika 2 Rikonfirmon se të gjitha subjektet kanë për obligim që të punojnë për interesin e vendit.
Pika 3 Kuvendit fton qeverinë që të mos lejojë asnjë anëtar të saj që të jetë i angazhuar në fushatën e Serbisë kundër Kosovës. Kuvendi kërkon që të shkarkojë të gjithë ata që bëhen pjesë e këtyre thirrjeve.
Pika 4 Nëse qeveria nuk e shkarkon brenda javës, atëherë Kuvendi do të thërrasë mocion për këtë çështje”, tha ajo.
