Para disa ditësh u bë virale deklarata e një fizioterapisteje nga Milano e cila ankohej për pagat dhe vlerësimin e bluzave të bardha në Itali, sidomos gjatë kësaj periudhe të vështirë të epidemisë.
Ajo bëri një paralelizëm mes mjekëve dhe futbollistëve, duke u shprehur se këta të fundit marrin 1 milion euro në muaj kurse mjekët vetëm 1,300 euro.
“T’ju shërojë Ronaldo” shprehej fizioterapistja, mirëpo në fakt futbollisti ka reaguar menjëherë duke dhënë kontributin e tij për personat e prekur nga koronavirusi.
Mediat spanjolle kanë raportuar së fundmi se ylli i Juventus-it do të shndërrojë të gjitha hotelet e tij në spitale të përkohshme, ku do të qëndrojnë dhe mjekohen personat e infektuar me Covid-19.
Thuhet se askush nuk do të paguajë asgjë dhe se do të jetë vetë Ronaldo ai që do t’u japë një rrogë mjekëve që do të punojnë në ambientet e ofruara nga ai.
