Presidenti amerikan, Donald Trump, po ushtron vazhdimisht presion mbi autoritetet për zhvillimin dhe miratimin e një vaksinë kundër koronavirusit.
“Dikush ose kushdo në FDA po ia vështirësojnë punën kompanive të ilaçeve për të rekrutuar vullnetarë për testimin e vaksinave dhe trajtimeve. Natyrisht, ata shpresojnë të vonojnë përgjigjen deri pas 3 nëntorit, por duhet të përqendrohen te shpejtësia dhe shpëtimi i jetëve”, shkruan ai në Twitter.
Trump tha se shpreson që të zhvillohet një vaksinë rreth kohës së zgjedhjeve.
Ndërkohë, ekspertët kanë paralajmëruar se çdo ndërhyrje politike në procesin e testimit dhe miratimin e vaksinave mund të hedhë dyshime dhe të minojë sigurinë dhe legjitimitetin e saj.
