Presidenti i SHBA-ve, Donald Trump, bën me dije se një tjetër marrëveshje historike është arritur ditën e sotme.
Përmes një postimi në Twitter, Trump njofton se Izraeli dhe Gjiri i Bahreinit kanë arritur në një marrëveshje për të normalizuar plotësisht marrëdhëniet mes tyre.
“Vendi i dytë arab që bëri paqe me Izraelin brenda 30 ditësh”, shkruan Trump në postimin e tij.
Për vite të tëra, shumë prej vendeve arabe kanë bojkotuar Izraelin, duke këmbëngulur se ata do të vendosnin lidhje vetëm pasi të zgjidhej mosmarrëveshja palestineze.
Ky shtet është bërë vendi i katërt arab në Lindjen e Mesme që njeh Izraelin, që nga themelimi i tij në 1948. Të tjerët janë Egjipti, Jordania dhe Emiratet e Bashkuara, e cila i normalizoi marrëdhëniet muajin e kaluar.
Kjo marrëveshje vjen vetëm disa ditë pasi vendi njohu Kosovën, ndërsa u njoftua dhe hapja e ambasadës në Jeruzalem.
