Duket se presidenti Trump është ndërgjegjësuar për vendosjen e maskës, ndërsa i është drejtuar qytetarëve që të mos e anashkalojnë, pasi situata është kritike.
Më herët, Trump nuk ka qenë insistues për mbajtjen e maskës, por ka thënë se ajo duhet të jetë zgjedhje e secilit.
Në konferencën e parë për media e task-forcës së Shtëpisë së Bardhë, presidenti amerikan ka paralajmëruar se situata me pandeminë në SHBA mund të “përkeqësohet para se të bëhet më mirë”.
Sipas të dhënave të Universitetit Johns Hopkins, numri i të infektuarve në SHBA ka arritur në mbi 3.9 milionë, ndërsa i viktimave në mbi 142.000.
