E enjte, 21 Janar, 2021
10 C
Tirana

‘Po shkojmë drejt këtij skenari…’, Cako: Vaksina mikroçip, për të kontrolluar popullsinë e botës

Alfred Cako, aktivist i lëvizjes No Vax, e ka cilësuar situatën e krijuar nga koronavirusi një “plandemi”, që është bërë me qëllim për të ulur popullsisë e botës. Teksa ka qenë i ftuar në “Abc-ja e mëngjesit”, ai ka treguar se çfarë skenari po ndiqet nga superfuqitë, për të ulur numrin e popullsisë.

Cako parashikon se shumë shpejt do të dalë vaksina, duke përmendur muajin tetor-nëntor. Kjo vaksinë do të bëhet e detyrueshme, nëpërmjet disa masave shtrënguese dhe nëse kjo nuk do të ketë sukses, përdorimi i saj do të bëhet dhe më dhunë. Sipas parashikimeve të tij, po shkojmë drejt atij skenari që i shërben depopullimit dhe uljes së përgjithshme të popullsisë.

“Në muajin tetor-nëntor do përpiqen të bëjnë vaksinën me shtrëngim. Domethënë do të privojnë nga disa të drejta. Përshembull nuk ke të drejtë të ngasësh makinën nëse nuk ke atë çertifikatën e vaksinës, nuk do të lënë të marrësh pensionin për të bërë vaksinën. Nuk do të lënë të punosh në administratë shtetërore, të shkosh në shkolla publike apo private nuk do të japin numër sigurimesh edhe nga biznesi privat dhe nuk të lejojnë të punësohesh nëse punëmarrësi nuk paraqit çertifikatat e vaksinave.

Kjo vaksinë nëse nuk do të ketë sukses me këto masa shtrënguese, mund të përdoret edhe varianti kinez, që të bëhet me dhunë dhe me polici. Po shkojmë drejt këtij skenari, që i shërben depopullimit dhe uljes së përgjithshme të popullsisë sipas disa studimeve që do t’i botoj shumë shpejt në fund të muajit, që do të jetë libri i parë i lëvizjes No Vax, me referenca të studiuesve të pavarur që nuk varen nga OBSH. Të cilët janë shprehur kundër vaksinave dhe kanë treguar me statistika rastet e vdekjeve para vaksinimit dhe pas shtimit të çdo vaksine, të shtimit të sëmundjeve të ndryshme”, tha ai.

Lexo edhe :   Rritet numri i viktimave në Kosovë, 294 raste të reja me koronavirus

Sipas tij, mbajtja e maskës me detyrim është një nga shenjat e para të kësaj “lufte” botërore, duke shtuar më tej se do të përdoren vaksina në formë mikroçipi për të kontrolluar të gjithë popullsinë në botë.

Ndryshe nga çfarë kanë thënë mjekët më herët, po edhe Manastirliu dhe Rama se nuk do të ketë sërish rikthim në karantinë, Alfred Cako mendon ndryshe. Ai tha se në fund të gushtit situata do të jetë më e rëndë, dhe se vendi do të futet përsëri në karantinë.

Lexo edhe :   Biden shpalos sot planin kundër koronavirusit

“Kur kam thënë unë që do vihet maska me detyrim, në fillim thonin ku e din ky. Maska, vaksina dhe çipi këto janë tre shenjat i kam thënë që në vitin 2013 në emisione të ndryshme. Nuk do të ketë luftra, por me mikrobe, kjo është axhenda 2021. Këta do thonë se virusi krijon mutacion dhe nuk kurohet, ose kurimi është për një afat të shkurtër, dhe që të mbyllet ky problem ne do bëjmë një vaksinë në formë mikroçipi që e ka thënë dhe Bill Gates, dhe nëpërmjet saj do të kontrollojnë popullsinë e botës“, tha ai.

 

- Reklama -

Më shumë nga kategoria




Të fundit

Berisha bën deklaratën e fortë për 21 janarin: Rama meriton burg të përjetshëm

Ish-kryeministri Sali Berisha, u shpreh se nisja e hetimeve të ngjarjes së 21 janarit 2011 po bëhet nga kryeministri aktual Edi Rama për arsye...

Covid/ Manastirliu tregon se kur do të kryhet vaksinimi i të gjithë popullatës

Ministrja e Shëndetësisë, Ogerta Manastirliu, tha në emisionin “Opinion” se ekzistojnë tre skenarë për vaksinimin e të gjithë popullatës me vaksinën ndaj COVID- 19. Sipas...

“Berisha fshehu provat, Rama zhgënjeu”, Hoxha: 21 janari, krim shtetëror

Gazetari Artan Hoxha, ditën e sotme ka folur sërish në lidhje me ngjarjen e 21 janarit të 10 viteve më parë, ku të vrarë...

Sali Berisha kujton 21 janarin e vitit 2011: Ja pse qëlloi garda

Ish-kryeministri Sali Berisha ka dhënë versionin e tij të ngjarjes së 21 janarit 2011, ku pas protestave të dhunshme para kryeministrisë mbeten të vrarë...

Twitter bllokon llogarinë e Ambasadës së Kinës në SHBA

Kompania Twitter ka bllokuar llogarinë e Ambasadës së Kinës në SHBA, pasi kishte postuar përmbajtje që mbronte politikat e Kinës në rajonin Ksinjiangut. Vendimi i...