Presidenti i SHBA-ve, Donald Trump është shprehur se SHBA-të do të rihapen me apo pa gjetjen e një vaksine për koronavirusin.
Megjithatë, Trump thotë se është i bindur se do të ketë një vaksinë deri në fund të vitit.
Presidenti amerikan e krahasoi projektin e vaksinave, të quajtur “Operation Warp Speed”, me garën kundër kohës gjatë Luftës së Dytë Botërore për të prodhuar armët e para bërthamore në botë.
Gjatë një konference në Shtëpinë e Bardhë, Trump tha deklaroi se projekti i vaksinës do të fillojë me studime të 14 kandidatëve premtues.
“Një përpjekje e madhe shkencore, industriale dhe logjistike, ndryshe nga çdo gjë deri më sot do të jetë projekti Manhatan”, tha ai.
Trump ka emëruar një gjeneral të ushtrisë dhe një ish-ekzekutiv të shëndetësisë për të udhëhequr operacionin.
Moncef Slaoui, i cili më parë drejtonte ndarjen e vaksinave në gjigantin farmaceutik ‘GlaxoSmithKline’, do të drejtojë misionin, ndërsa gjeneral Gustave Perna, kreu i logjistikës së ushtrisë amerikane, do të jetë shefi ekzekutiv.
