E diel, 16 Janar, 2022
10.5 C
Tirana

Trump-Bajden, debati më i keq presidencial i të gjitha kohërave

Nga: Matthew Walther “The Week”

Të martën në mbrëmje populli amerikan, ose të paktën ata miliona qytetarë të pafat që nuk zgjodhën të shihnin ndeshjen e futbollit amerikan Yankees-Indiana, iu nënshtruan një orë e gjysmë ulërima të çmendura nga dy burra të moshuar dhe me një pamje të trishtë, që dukeshin sikur do të ishin më mirë diku tjetër, përveçse jo në atë panel në Ohajo.

Debati i parë presidencial i zgjedhjeve të këtij viti, ishte spektakli më i turpshëm i këtij lloji që ka parë ndonjëherë ky vend. Vlerësimi im shkon për Kris Uollasin, gazetarin e talentuar të “Fox News”, që ishte moderatori i debatit.

Në momentet më të nxehta të debatit, Uollas u thoshte dy kandidatëve se ndërsa pyetja tjetër do të ishte mbi problemet racore në vend, ata duhet të ndjeheshin të lirë të përgjigjeshin për çdo temë sipas pikëpamjeve të tyre. Dhe ata kështu bënë.

Unë ende nuk kam parë ende një transkript të debatit midis Xho Bajden dhe presidentit Trump. Dhe më duket se nuk ka gjasa që mund të prodhohet një i tillë. Por në shënimet që arrita ta mbaj nga ky debat, ka kryesisht fraza të tilla:

“Unë jam Partia Demokratike!”

“Nuk ka asgjë të zgjuar tek ty, Xho!”

“Mos e përdor kurrë atë fjalë me mua!”

“Ai duhet ta mbyllë gojën vetëm për një minutë!”

“A do ta mbyllësh gojën or burrë!?”

“Më lër të ta mbyll unë gojën Xho, me jep vetëm një sekondë kohë”

“Ai duket sikur flet nga 60 metra larg”

“Kjo është e shtirura më e madhe që keni parë ndonjëherë!”

“Ju jeni presidenti më i keq që Amerika ka pasur ndonjëherë!”

“Është e vështirë ta marrësh fjalën, kur ke përballë këtë kloun!”

“Bastard budalla!”

Por asnjë transkriptim nuk mund të justifikonte sadopak ato 96 minuta ulërima, fyerje, ndërprerjesh dhe mendimesh të lëna përgjysmë. Të ngjante sikur ishe dëshmitar i një debati mbi një rregull të çuditshëm procedural gjatë një loje me letra mes një grupi pleqsh në një azil.

Debati ishte i mbrapshtë, pa shije, pa zgjuarsi dhe (çuditërisht dhe mjerisht) aspak për të qeshur. Ky është momenti kur në rrethana të tjera unë do të ndihesha i detyruar nga ana kontraktuale t’u tregoja lexuesve se çfarë mendoj se duhet të mësojnë nga debati i të martës dhe çfarë rëndësie do ketë ai në garën presidenciale.

Unë mund të them me bindje se asnjë debat televiziv në historinë amerikane, nuk ka pasur më pak të ngjarë të ndryshojë zemrat, mendjet, apo edhe në përshtypjet gjysmë të formuara rreth dy kandidatëve nga ana e qytetarëve amerikanë.

Një koncept absurd sipas së cilës mbrëmja e së martës duhet harruar sa më parë, është se Xho Bajden ka më pak të ngjarë të gënjejë sesa kundërshtari i tij republikan. Ish-zëvendëspresidenti bëri jo vetëm deklarata të pavërteta në lidhje me krimin, ekonominë dhe pikëpamjet e kandidates së presidenti Trump për në Gjykatën e Lartë, Emi Baret.

Por ai mohoi prerazi faktin se djali i tij Hanter, ishte paguar me një pagë mujore 6-shifrore nga një kompani energjetike ukrainase.

Ndërkohë vetë Trump këmbënguli se kishte paguar më shumë miliona dollarë në formën e tatimeve mbi të ardhurat në vitet 2016-2017, sesa ka bërë gjatë shumë viteve të shkuara. A e mbajti njeri shënim rezultatin e debatit? A e vuri re njeri? A i interesonte ndokujt? Unë dyshoj.

Unë nuk jam një votues i pavendosur, në fakt nuk jam asnjë lloj votuesi. Por mund të them pa hezitim se ndryshova mendje të martën në mbrëmje. Ashtu si miliona amerikanë, sidomos gazetarë, unë i kisha pritur prej muajsh debatet presidenciale të këtij viti.

Por ajo që u shpalos në ekranin tim, më zhgënjeu shumë në raport me atë që supozoja të dëgjoja. Debati i të martës ishte një kujtesë e zymtë se nuk ka asgjë zbavitëse në rënien e ngadaltë por pothuajse me siguri të paepur të Shteteve të Bashkuara në një gerontokraci (sistem ku qeverisin të moshuarit), parimet themelore organizative të së cilës janë numrat që dalin diku në ekranin e kompjuterit, dhe argëtimi i pa mend.

E gjithë gjëja është aq e trishtueshme, po aq sa edhe e merituar për ne amerikanët. Unë do të preferoja të shihja me mirë ndonjë film horror, sesa debatin presidencial të së martës Trump-Bajden.

Burimi i lajmit: https://theweek.com/articles/940566/worst-presidential-debate-all-time

Përshtatur nga TIRANA TODAY

 

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...