Policia e Tropojës ka zbardhur ngjarjen e rëndë ndodhur mbrëmjen e djeshme, ku mbeti i plagosur një person. Uniformat blu kanë bërë të mundur kapjen e autorit të dyshuar, si dhe janë proceduar në gjendje të lirë tre shtetas për “Moskallëzim të krimit”.
Specialistët për Hetimin e Krimeve në Komisariatin e Policisë Tropojë, arrestuan në flagrancë shtetasin S.M., 39-vjeç. Në vendin e quajtur “Ura e Bujan”, në fshatin Cërrnicë, mbrëmjen e djeshme dyshohet se për motive të dobëta, ka plagosur me mjet prerës shtetasin S.M., 36 vjeç.
Ky i fundit ndodhet në gjendje kritike për jetën. Të njëjtat burime zyrtare shtojnë se u proceduan në gjendje të lirë 3 shtetas. Ata janë A. L., 54 vjeç, banues në Bujan; R. V., 52 vjeç, banues në Bujan dhe R. G., 54 vjeç, banues në Sopot.
Njoftimi
Tropojë
Zbardhet dhe dokumentohet ngjarja e ndodhur mbrëmjen e datës 23.04.2020, në fshatin Cërrnic, ku mbeti i plagosur në gjendje të rëndë shtetasi S. M.
Falë veprimeve të shpejta dhe profesionale, Policia e Tropojës kap dhe arreston autorin e dyshuar.
Procedohen në gjendje të lirë 3 shtetas, për “Moskallëzim i krimit”.
Specialistët për Hetimin e Krimeve në Komisariatin e Policisë Tropojë arrestuan në flagrancë shtetasin S. M., 39 vjeç, banues në Rosuje, Tropojë, pasi në vendin e quajtur “Ura e Bujan”, në fshatin Cërrnicë, mbrëmjen e datës 23.04.2020, dyshohet se për motive të dobëta, ka plagosur me mjet prerës shtetasin S. M., 36 vjeç, banues në fshatin Cërrnicë, i cili ndodhet në gjendje kritike për jetën.
Gjithashtu, u proceduan në gjendje të lirë 3 shtetas, për “Moskallëzimi i krimit”, konkretisht;
-A. L., 54 vjeç, banues në Bujan;
-R. V., 52 vjeç, banues në Bujan;
-R. G., 54 vjeç, banues në Sopot;
Materialet i kaluan Prokurorisë së Rrethit Gjyqësor Tropojë, për veprat penale “Vrasja me dashje, mbetur në tentativë”, “Mbajtja pa leje e armëve të ftohta” dhe “Moskallëzimi i Krimit”.
