Shpërthimi me tritol i makinës së prokurorit të Vlorës Albert Kuliçi ka sjellë reagimin e aktorëve të ndryshëm politik. Ndër ta, ka reaguar edhe presidenti i vendit Ilir Meta.
Përmes një postimi në facebook, ai ka dënuar atentatin e bërë sot ndaj prokurorit të Vlorës.
Sipas tij, organet e prokurorisë të hetojnë sa më shpejtë dhe të ndëshkojnë autorët.
“Dënoj me forcë sulmin ndaj prokurorit Albert Kuliçi! Kërkohet hetim dhe ndëshkim për autorët! Askush të mos guxojë të verë dorë ndaj njerëzve të ligjit!” shkruan Meta në një postim në facebook.
Kujtojmë që prokurorit Albert Kuliçi iu bë atentat, në orët e para të mëngjesit të sotëm, ku u hodh në erë me eksploziv automjeti i tij.
