Ndonëse nuk e pranoi se lënda plasëse ishte vendosur për tu dhënë një mesazh të fortë nga grupet rivale, informacionet të çojnë drejt zbardhjes së ngjarjes. I referohemi shpërthimit të një lënde plasëse në lagjen “Gafurr Muço”, Lushnje, në katin e parë të një pallati parafabrikatë.
Jetmir Çoku, vëllai i Besnik Çokut, pronarit të banesës ku u vendos tritoli, tha se kanë qenë në gjumë në momentin e shpërthimit, dhe se nuk kanë dijeni për identitetin e autorëve. Si pasojë e këtij shpërthimi është dëmtuar dera kryesore si dhe orenditë shtëpiake.
Në këtë banesë jeton nëna e Besnikut, vëllai me nusen dhe mbesa. Sipas “Top Channel”, vëllezërit Çoku njihen si persona të konsumit dhe shpërndarjes së lëndëve narkotike dhe vjedhjeve. Ata janë arrestuar disa herë, dhe janë dënuar për këto vepra penale.
