Tritol banesës së familjes Kosiqi në Maqellarë, një vit më parë i vranë djalin

Një sasi tritoli shpërtheu këtë të premte në shtëpinë e Gazmir Kosiqit në fshatin Maqellarë të Dibrës. Mësohet se nga shpërthimi nuk ka pasur të plagosur, por vetëm dëme materiale.

Lënda plasëse është vendosur në banesën e familjes Kosiqi, e cila një vit më parë humbi djalin e saj. Ku u ekzekutua më 20 mars të vitit të kaluar, në oborrin e banesës.

Viktima ishte kthyer nga Maqedonia dhe ishte pronar i një hoteli në zonën e llixhave në Dibër.

Një ditë pas kësaj ngjarje, përfundoi në pranga Mahmut Gega, i cili akuzohet si autori i vrasjes së 32-vjeçarit.