Kryesore

“Shengeni Ballkanik, shpresëdhënës”/ Palmer: Në maj të hapen negociatat


               Publikuar në : 15:39 - 08/11/19 B H

I dërguari i posaçëm i SHBA-së për Ballkanin Perëndimor, Mattheë Palmer, ka kërkuar nga KE që t’i rikthehet çështjes së negociatave me Shqipërinë dhe Maqedoninë e Veriut.

Gjatë fjalës së tij në Forumin Botëror Ekonomik në Davos, Palmer tha se negociatat duhet të hapen sërish në muajin maj, në samitin e Zagrebit.

Ai foli edhe rreth “Shengenit Ballkanik”, duke e cilësuar si shpresëdhënës, pasi sipas tij tregon se liderët marrin përgjegjësi.

“SHBA-të vazhdojnë të jenë të angazhuar në perspektivën evropiane të Ballkanit Perëndimor që ka qenë themeli për angazhimin amerikan në rajon për më shumë se 20 vite. Kjo nuk ka ndryshuar dhe nuk do të ndryshojë.

Kjo është edhe arsyeja pse pamundësia e Këshillit Evropian për të gjetur konsensus dhe të fillojë bisedimet për anëtarësim me Maqedoninë e Veriut dhe Shqipërinë ishte kaq zhgënjyese.
Kjo nuk është fjala e fundit. Shpresojmë që Këshilli i Evropës t’i rikthehet çështjes në mbledhjen e liderëve në maj, në Zagreb, të arrijë konsensusin e duhur dhe të nisë atë proces aq të rëndësishëm duke dërguar sinjalin e rëndësishëm në rajon.
Ndërkohë, ndërsa SHBA avancon drejt Ballkanit Perëndimor dhe Bashkimi Evropian konsiderohet deri në një farë niveli nga rajoni si duke u larguar, rajoni vetë po zhvillohet.
Angazhimi i Serbisë, Maqedonisë së Veriut dhe Shqipërisë të promovojnë bashkëpunimin përmes së ashtu-quajturës nisma e minishengenit është shpresëdhënës, është një tregues që liderët në rajon po marrin përgjegjësi për fatin e tyre, po marrin në dorë të ardhmen e vet. Arkitektura e kësaj nisme ka një skaj të hapur, ka vend për Malin e Zi, Bosnje dhe Hercegovinën, Kosovën. Nisma është premtuese, ka mbështetjen tonë dhe angazhimin tonë për të bashkëpunuar me liderët e Ballkanit Perëndimor për ta çuar përpara”,tha ai.

 

Kthehu
WhatsApp Denonco ne TT