Auto & Moto

Treni i gjeneratës së re, kushton 91 mln dollarë dhe kap shpejtësinë 360km/h (Video)

               Publikuar në : 18:47 - 21/05/19 Enno

“Shinkasen” do të jetë treni i gjeneratës së re i cili është testuar me sukses në Japoni. Ai parashikohet që të vendosë një rekord të ri sa i përket shpejtësisë së trenave që ecin në shina.

Gjatë testimi të prototipit ai arriti shpejtësinë 320km/h. Kompania East Japan Railway ka vendosur ta quajë ALFA-X dhe thotë se kur ai të jetë gati për tregun do të kapë shpejtësinë 360km/h.

Ky lloj treni ka një kosto prej 91 milionë dollarësh dhe pritet të jetë në përdorim për udhëtarët pas dhjetë vjetësh.

Japonia njihet si pioniere në fushën e prodhimit të trenave të shpejtësisë së lartë dhe korrektesën në oraret e trenave.

Me ALFA-X tashmë ata prezantojnë një inovacion për trenat që ecin në shina pas zhvillimit që kanë marrë kohet e fundit trenat magnetik.

Kthehu
WhatsApp Denonco ne TT