Presidenti Ilir Meta ka patur sot një takim mjaft miqësor me ish-ministren e Jashtme, Arta Dade dhe me gazetarin Nikollë Lesi.
Ata janë takuar në Lezhë, ndërsa vetë Meta ka publikuar një foto, ku kanë pozuar pas disa trëndafilave.
Madje, presidenti shkruan fjalë mjaft të këndshme për Daden, të cilën e quan një ‘trëndafil’.
Kjo e fundit kujtojmë se ka pasur një ‘përplasje’ me kryeministrin, teksa ka dalë publikisht kundër tij, për mënyrën se si po qeveris, duke kërkuar madje largimin e Ramës nga vetë socialistët.
“Bashkë me Nikollën dhe me një Trëndafil që spikat mes trëndafilash, në Spiten, Lezhë. Me Artën sot ndamë shumë kujtime dhe ide”, shkruhet në foton e publikuar nga Meta.
