Zvicra ka njoftuar se do të bëjë disa ndryshime në ligj, në 3 fusha të ndryshme përgjatë vitit 2020.
Ndryshimet priten të bëhen në fushën e rritjes së kontributeve të mbrojtjes sociale, martesë dhe në moshën e pensionit. Ja ndryshimet e rëndësishme që priten të hyjnë në fuqi së shpejti:
Rritja e kontributeve të mbrojtjes sociale
Punonjësit dhe punëdhënësit do të rritin kontributet e tyre sociale (AVS / AI / APG / AC) nga 12.45 përqind në 12,75 për qind në vitin 2020. Kjo rritje do të garantojë më shumë se 2 miliardë franga në vit në sigurimet shoqërore.
Pagesat minimale mujore të sigurimeve shoqërore do të mbeten fikse në 1,185 franga. Sidoqoftë, paga bazë për pronarët e shtëpive do të rritet me 1.6 përqind.
Martesë
Nusja dhe dhëndri nuk do të duhet më të presin 10 ditë për t’u martuar pas marrjes së pëlqimit nga autoritetet lokale. Por ata do të martohen, në prani të dy dëshmitarëve për një periudhë të shkurtër.
Mosha e pensionit
Një ndryshim i madh që do të ndodhë në vitin 2020 ka shumë të ngjarë të jetë një rritje e moshës së pensionit për gratë.
Aktualisht është në 64 vjeç, ndërkohë qeveria federale është në favor të ngritjes së saj në 65 vjeç – niveli që është vendosur për burrat – megjithatë do të duhet të kalojë një konsultim publik diku në fillim të vitit 2020.
