Policia e Shtetit bën me dije se në Vlorë janë ndaluar një grup irakianësh në afërsi të Mifolit pranë lumit Vjosa. Sipas bluve bëhet fjalë për 40 emigrantë të paligjshëm irakianë, të cilët kishin destinacion Italinë.
Policia pas ndalimit i ka shoqëruar në komisariat, ku po kryhen veprimet hetimore. Sipas njërit prej emigrantëve, ata janë mashtruar nga kontrabandistët.
Atyre u kanë marrë paratë dhe nuk i kanë çuar në destinacion. Mësohet se në afërsi të vendit ku u kapën atyre u është thënë: Jeni në Serbi tani!
“Jemi kurdë të Irakut dhe Iranit. Kemi ardhur në këmbë nga Greqia dhe na thanë që kemi mbërritur në Serbi, por këtu shoh që nuk është Serbi”, u shpreh njëri prej tyre për ABC News.