Pandemia ka njohur një shtrirje të madhe në botën e sportit. Përpos lojtarëve të infektuar, koronavirusi ka marrë shumë jetë. Për fat të keq, COVID 19 i ka marrë jetën në moshën 61-vjeçare, trajnerit të klubit të Montanës, Nikola Spasov, që militonte në elitën e futbollit bullgar.
I ndjeri, prej 3 javësh ndodhej i shtruar në spital, por nuk ia doli dot mbanë prej virusit vdekjeprurës.
Nikola Spasov ka pasur një karrierë të suksesshme edhe si futbollist, teksa u shpall kampion në vitin 1978 me Lokomotivën e Sofjes. Si trajner, suksesin më të madh e regjistroi në vitin 2015 me Çerno More Varna, ku fitoi Kupën dhe Superkupën bullgare.
