Prej ditës së djeshme, transporti publik ka rifilluar punën në vendin tonë, ndërkohë epidemiologu i njohur Ilir Alimehmeti ka një thirrje për qytetarët.
Ai bën apel që qytetarët të shmangin lëvizjet me urbane, pasi sipas tij konsiderohet rreziku më i madh në këtë periudhë për transmetimin e infeksionit të COVID-19.
Alimehmeti këmbëngul se linjat urbane nuk duhet të hapeshin në këtë fazë.
Specialistët e shëndetësisë vënë re shkelje të masave nga operatorët privatë dhe mungesë kontrollesh nga bashkia.
Aktualisht e gjithë bota po nxit përdorimin e maskës dhe distancimit fizik për të frenuar përhapjen e virusit, por, në popullsinë shqiptare vihet re neglizhencë në zbatimin e tyre.
Ndërsa në spitale, veçanërisht në QSUT-në e kthyer në vatër infeksioni, Alimehmeti propozon zbatimin e protokolleve të veçanta:
“Testim të gjithë punonjësve dhe pacientëve para se të hyjnë në spitale”.
