E premte, 15 Janar, 2021
3 C
Tirana

Mustafa paralajmëron bisedime me partitë për zgjedhjen e presidentit të ri

LDK pritet të zhvillojë takime me partitë politike në Kosovë, për të diskutuar rreth zgjidhjeve të mundshme për zgjedhjen e presidentit, nëse aktakuzat ndaj Thaçit konfirmohen.

Në një prononcim për Gazetën Express, Isa Mustafa sqaroi se gjetja e një zgjidhjeje për punën e presidentit, lidhet edhe me procesin e dialogut.

Nga ana tjetër, lideri i LDK-së ka mohuar të ketë pasur një diskutim për zgjerim të koalicionit qeverisës.

“Për zgjerim të koalicionit nuk kemi biseduar. Por domosdoshmërisht do të bisedojmë se çfarë zgjidhje do të bëjmë për zgjedhjen e presidentit të vendit, nëse ndodh që atij i vërtetohet aktakuza para përfundimit të mandatit dhe jep dorëheqje”, tha ai.

Mustafa paralajmëroi se në ditët në vijim do të ketë edhe përpjekje për takime me të gjithë ata që shprehin gatishmëri, pasi që sipas tij njoftimi për media i Prokurorisë Speciale ka lënduar institucionin e Presidentit të Republikës.

“Institucioni i Presidentit tani është i lënduar me dënimin medial dhe publik që e bëri Prokuroria e Dhomave të Veçanta me bërjen publike të propozimit të aktakuzës. Në ditët në vijim do të bëjmë përpjekje të takohemi, të bisedojmë me të gjithë që kanë vullnet”, shtoi ai.

Sipas tij, gjetja e një zgjidhjeje për presidentin lidhet edhe me procesin e dialogut, meqë është një proces ku duhet një përfshirje e gjerë.

“Kjo ndërlidhet edhe me procesin e dialogut. Sepse, një proces i tillë kërkon përfshirje më të gjerë, për çfarë duhet të hulumtohen modalitetet”, theksoi ai.

Lexo edhe :   Zgjedhjet në Kosovë/ Isa Mustafa: Nuk përjashtohet qeverisja me Albin Kurtin

 

- Reklama -

Më shumë nga kategoria




Të fundit

Pronat në jug/ Lame: Meritojmë medalje, bëmë një hartë se nuk ka pasur

Kreu i Kadastrës, Artan Lame ka folur lidhur me pronat e minoritarëve grekë në jug të vendit. Përballë kreut të OMONIA-s, Fredi Belerit, Lame u...

Dëshmi rrëqethëse: Lashë mbi 4 mijë euro në Sanatorium, babain e lanë pa bukë

Një ditë më parë emisioni “Stop” transmetoi dëshminë e vajzës së të ndjerës që ndërroi jetë nga Covid-19 në spitalin “Shefqet Ndroqi”. Ajo tregoi...

”Boshatiset” stoli i PSG, trajneri Poçetino infektohet me Covid-19

Trajneri i ri i Paris SG, argjentinasi Mauricio Poçetino, ka rezultuar i infektuar me Covid-19. Lajmi bëhet i ditur nga vetë klubi kryeqytetas, në prag...

Spiropali: Që nga 2013 janë regjistruar 235 mijë vende pune më shumë

Ministrja e Shtetit për Marrëdhëniet me Parlamentin, Elisa Spiropali është shprehur se që nga viti 2013 në vendin tonë janë regjistruar 235 mijë vende...

SHBA vijon tërheqjen e trupave nga Afganistani, kanë mbetur vetëm 2.500

Ushtria amerikane ka ulur nivelin e trupave në Afganistan në 2.500. Ky është niveli më i ulët i pranisë amerikane në gati dy dekada,...