SHBA e kanë akuzuar Kinën se ka mashtruar botën në lidhje me pandeminë e koronavirusit. Një ditë më parë, Sekretari amerikan i Shtetit, Mike Pompeo, tha se Uashingtoni po synon krijimin e një koalicioni ndërkombëtar, për të kundërshtuar ndikimin e Kinës.
Ai e akuzoi Pekinin se po shfrytëzon pandeminë e koronavirusit, për të çuar më tej interesat e veta.
Vlen të theksohet fakti se tensionet mes dy palëve janë rritur, për shkak të mungesës së transparencës nga ana e Pekinit në lidhje me shpërthimin e pandemisë, shkeljet e vazhdueshme të të drejtave të njeriut, dhe akuzat e piraterisë në internet.
Pompeo tha se çdo vend që “kupton vlerat e lirisë dhe demokracisë”, duhet të njohë kërcënimin që paraqet Kina. Shpresojmë se mund të krijojmë një koalicion që e kupton këtë”, tha ai.
