Një shtetas shqiptar ka humbur jetën aksidentalisht në vendin e punës ditën e djeshme.
Ngjarja ka ndodhur në Zvicër, ndërsa lajmi është konfirmuar nga familjarët, të cilët kanë njoftuar për ndarjen nga jeta të shqiptarit me iniciale A.Z, përmes një postimi në rrjetin social “Facebook”.
“Familjar, miq, shokë dhe dashamirë ju njoftoj se sot pas një aksidenti tragjik në vendin e punës në Zvicër, ndërroi jetë djali i hallës, A.Z, për detaje të varrimit do të ju njoftojmë me kohë. U prehsh në paqe”, shkruajnë familjarët, raporton Albinfo.ch.
Sipas policisë, ditën e shtunë rreth orës 12:00, shqiptari me iniciale A.Z ka humbur jetën, ndërsa një tjetër ka mbetur i plagosur.
Policia dhe grupi hetimor po punojnë për zbardhjen e shkaqeve.
