Rajoni

Tragjike/ Nxënësit prisnin me padurim festën e Abetares, mësuesja ndërron jetë në gjumë

               Publikuar në : 12:54 - 14/05/19 Enno

Një ditë më parë në orët e para të mëngjesit, ka ndërruar jetë për shkaqe akoma të paqarta Lindita Preteni, 24 vjeçe, nga Mitrovica. Ajo ishte mësuese e klasës së parë në shkollën ‘Fazli Greiçevci’.

Ishte vëllai i saj që e bëri të ditur lajmin me anë të një postimi në Facebook, ku shkruante: “Miq ju njoftoj se papritur ndërroi jetë motra ime Lindita Preteni. Për kohën e varrimi do iu njoftojmë ndërkohë. Lamtumirë mësuesja jonë me shpirt të bukur”.

Për ndarjen nga jeta të mësueses 24-vjeçare ka reaguar edhe shkolla ku Lindita punonte, me një postim prekës. Aty thuhej se nxënësit me padurim po prisnin festën e Abetares pasi ishte pikërisht kjo mësuese që i mësoi çdo germë të gjuhës shqipe.

“Ajo ishte një engjëll, me virtyte te larta ku beri për vete te gjithë stafin dhe komunitetin. Ende s’po e besojmë…LINDA do mbetesh e paharrueshme për ne! Për nxënësit e tu, qe me padurim prisnit Festen e Abetares…”, thuhet në postim.

24-vjeçarja nisi punë si mësuese vetëm një vit më parë dhe prej pak kohësh ishte fejuar por jeta iu pre në mes pabesisht.

Për këtë rast ka reaguar edhe ministri i Arsimit Shkencës dhe Teknologjisë, Shyqiri Bytyqi. Ministri në një postim në llogarinë e tij në Facebook ka shkruar se mësuese Lindita, sapo kishte nisur të japë kontributin e saj me përkushtim në arsimimin e gjeneratave të reja.

“Me pikëllim të thellë morëm lajmin për ndarjen nga jeta në moshë shumë të re të mësueses Lindita Preteni, e cila punonte në shkollën “Fazli Grajqevci” në Mitrovicë.

Mësuese Lindita, sapo kishte nisur të japë kontributin e saj me përkushtim në arsimimin e gjeneratave të reja, prandaj kjo e shton dhembjen tonë dhe është një humbje e madhe për shkollën ku punonte, komunën dhe arsimin në përgjithësi.

Prandaj, në emër të Ministrisë së Arsimit, Shkencës dhe Teknologjisë, ju shpreh ngushëllimet më të sinqerta familjarëve, miqve dhe kolegëve të saj!”, ka shkruar në Facebook Shyqiri Bytyqi.

Kthehu
WhatsApp Denonco ne TT