Një anëtar i stafit të filmit “Rust”, Serge Svetnoy, ka ngritur një padi kundër disa figurave kyçe, duke përfshirë Alec Baldwin, i cili i mori jetën kinematografes së filmit.
Padia e Svetnoy u ngrit në Los Anxhelos kundër kompanive dhe individëve të ndryshëm të përfshirë në film, duke përfshirë producentët dhe dy anëtarë të stafit. Ai akuzon Baldwin, ndihmësdrejtorin David Halls, armaturën Hannah Gutierrez Reed dhe të pandehur të tjerë për neglizhencë që i shkaktoi atij “shqetësim të rëndë emocional”.
Kontrollimi i armës së Alec Baldwin nuk ishte përgjegjësi e ndihmësdrejtorit, thotë avokati. Padia vjen pasi Baldwin qëlloi me armë gjatë xhirimeve, duke vrarë kineasten Halyna Hutchins dhe duke plagosur regjisorin Joel Souza. Baldwin kishte thënë se besonte se arma nuk kishte fishekë, sipas dokumenteve të gjykatës.
Hutchins, 42 vjeçe, u transportua me helikopter në një spital, ku u shpall e vdekur. Souza, 48 vjeç, ka pësuar një plagë me armë zjarri në shpatull dhe po shërohet.
Svetnoy fajëson producentët e filmit, se ndër të tjera, nuk kanë punësuar një blindues kompetent dhe me përvojë. “Thënë thjesht, nuk kishte asnjë arsye që një plumb të vendosej në atë revolver. Prania e një plumbi në një armë, përbënte një kërcënim vdekjeprurës për të gjithë”, thuhet në padi. Duke pretenduar një dështim për “zbatimin dhe ruajtjen e standardeve të industrisë, për ruajtjen dhe kontrollin mbi armët e zjarrit të përdorura gjatë xhirimeve”.
Drejtori i fotografisë u vra, regjisori i filmit u plagos pasi Alec Baldwin shkarkoi armën e zjarrit në setin e filmit. Padia akuzon producentët e filmit se kanë shkelur detyrat e tyre, duke lejuar ruajtjen e municioneve të vërteta në xhirime.
CNN ka kontaktuar me përfaqësuesit e Baldwin, Halls dhe Gutierrez Reed, si dhe me kompaninë e prodhimit të filmit “Rust”, por nuk mori përgjigje.
Sipas padisë, Svetnoy dhe Hutchins konsideroheshin “miq të ngushtë”, pasi kishin punuar në nëntë filma së bashku që nga viti 2017.
Svetnoy ka folur më parë për traumën e tij nga incidenti, duke postuar në Facebook se ai “po e mbante në krahët e tij, ndërsa ajo po vdiste”. Ai gjithashtu ndau në Facebook atë që ai e quajti foton e fundit të Hutchins në xhirimin e filmit në New Mexico.
Burimi i lajmit: CNN. Përshtatur nga Tirana Today