Dy vëllezër shqiptarë kanë humbur jetën ditën e djeshme në Çair të Maqedonisë gjatë punimeve për hapjen e një kanali, i cili u shemb dhe zuri poshtë tre personat.
Bëhet fjalë për Mensur Mustafa dhe Abdulkerim Mustafa, respektivisht 26 dhe 28 vjeç. Ndërsa i lënduar ka mbetur një 54-vjeçar, i cili është nxjerrë në gjendje të rëndë shëndetësore nga dheu.
Të parët që kanë tentuar të shpëtojnë dy vëllezërit ka qenë babai i tyre që po ashtu punonte aty, së bashku me banorët në zonë.
“Kur arritëm në vendin e ngjarjes, na thanë se dy persona janë të vdekur për këtë shkak edhe më shumë rëndësi i dhamë njërit i cili ishte ende i gjallë dhe për fat të mirë arritën që ta nxjerrim në bashkëpunim me disa qytetarë të cilët i kuptonin këta situata. Këto intervenime duan shumë durim, nuk mund të ndërmerr diçka që do ta dëmtojë personin i cili është në rrezik. Duhet durim. Ju vetë e vërejtët se vetë qytetarët bëjnë panik por kemi eksperiencë dhe në bashkëpunim me disa qytetarë ia dolëm”, tha Nuredin Mustafa, komandant në Brigadën e Zjarrfikësve të Qytetit të Shkupit.
