Policia ka sekuestruar katër çanta me lëndë narkotike. Mësohet se katër çantat me drogë janë kapur nga policia mbrëmjen e djeshme në Finiq, ndërsa nga trafikantët nuk ka asnjë gjurmë.
Çantat që në total kishin 140 kg drogë, janë gjetur në një zonë të pyllëzuar në orën 21:30 të mbrëmjes së djeshme. Ato ishin lënë buzë një përroi, në vendin e quajtur “Koçekët”, pranë fshatit Sopik.
Nga kontrolli i çantave janë gjetur 86 pako të mbështjella me natriban, me ngjyra dhe shenja të ndryshme.
Dyshohet se pazari mes trafikantëve ka mbetur përgjysmë, pasi ata mund të kenë konstatuar ndonjë lëvizje të policisë dhe janë larguar duke brakstisur drogën.
Nga ana e policisë vijon puna për identifikimin dhe kapjen e tyre.
