Enea Mihaj, mbrojtësi pogradecar është një nga risitë në grumbullimin që ka bërë Panucci për dy ndeshjet e radhës të vlefshme për Ligën e Kombeve. Historia e tij është mjaft e çuditshme, pasi vetëm pak muaj më parë foli publikisht për mediat greke dhe u shpreh se nuk do të pranonte kombëtaren kuqezi dhe se ishte në pritje të ftesës nga Greqia.
19-vjeçari i befasoi të gjithë asokohe me atë deklaratë, por i ka befasuar më shumë tani që “i ka thirrur mendjes” dhe është bashkuar sërish me kuqezinjtë. Mihaj luan për ekipin grek të Panteloikosit dhe ka mbrojtur ngjyrat kuqezi në sfidën ndaj Izraleit U-21 në tetor 2016 dhe kundër Islandës U-17 një vit më vonë, tashmë na ka braktisur.
Ja çfarë thoshte Mihaj për ftesën që i kishte bërë kombëtarja: “Është gjithmonë një nder për një futbollist kur e thërret Kombëtarja. Sa i përket pjesës së dytë të pyetjes, nuk është objektivi im të promovohem te ekipi kombëtar A i Shqipërisë. Kam refuzuar thirrjet e fundit nga përfaqësuesja Shpresa pasi kur rritesh, i kupton gjërat më mirë, nuk je më aq entuziast për ftesat.
E përsëris, është një nder kur të thërrasin në Kombëtare, por unë ndjehem më mirë nëse do të kem mundësinë të luaj në kombëtaren e Greqisë dhe ky është objektivi im për të ardhmen. A mund të arrijë Shqipëria përsëri në Europian? Mendoj se po, pasi ka lojtarë cilësorë. Pse jo?” u shpreh Mihaj për mediat greke.
