Ish-kryetarja e Kuvendit, Jozefina Topalli, ka ironizuar vendimin e kryedemokratit Basha, për të shkarkuar Flamur Nokën nga Komisioni i Sigurisë Kombëtare.
“E mbyti Ramën… duke hequr të vetët”, shkruan me ironi Topalli, duke dhënë sinjalet se kryeministri Rama, në këtë formë bëhet edhe më i fortë.
Pak më herët gjatë ditës, kreu i PD-së, Lulzim Basha, foli për shkarkimin e Flamur Nokës nga funksioni i Nënkryetarit të Komisionit të Sigurisë, dhe për paralajmërimin që i ka bërë për ta përjashtuar. Në një prononcim për gazetarët nga selia blu, Basha tha se PD s’mund të mbahet peng e shpifjeve dhe e interesave personale. Ai shtoi se disa persona duan ta kthejnë partinë në bunker të interesave të tyre.
I pyetur nëse ka pasur llum në kohën e PD-së, Basha e pohoi, ndërsa shtoi se një pjesë është pastruar dhe tjetra jo. Ai thotë se ka njerëz që janë shantazhuar nga Rama, duke theksuar se demokratët i dinë mirë pazaret që kanë me qeverinë.
