Një ditë pasi Kreu i Shtetit Ilir Meta mbajti manifestin e tij që e quajti një Besëlidhje të re pas asaj të Lezhës në 1444, ish-kryeparlamentarja Jozefina Topalli ka reaguar me një foto.
Topalli ka publikuar një foto nga pritja në zyrë të një politikani të madh rus, ndërkohë në sfond bie në sy tabloja e madhe nga Besëlidhja e Lezhës në 1444. Bashkëngjitur fotos që e ka shpërndarë në Instagram ajo ka shkruar: “Politikani që bëri histori. Isha me fat, që e prita në zyrë”.
Në morinë e komenteve ka nga ata të cilët i kërkojnë që ajo të jetë kryeministrja e Shqipërisë.
Kryeministri Rama ja ka bërë të qartë presidentit Ilir Meta se ka zero shanse që Parlamenti të përfundojë së funksionuari.
Meta kërcënoi dje se pas 15 marsit do të bëjë shpërndarjen e Parlamentit, por Rama u shpreh se kjo nuk ka për të ndodhur, pasi edhe nëse del një dekret i tillë, nuk do të njihet nga ana e mazhorancës.
Rama kritikoi ashpër presidentin, ndërsa sulmoi dhe Partinë Demokratike.
