Mbrëmjen e djeshme ka shpërthyer një sasi tritoli, në një servis celularësh në Yzberisht, por fatmirësisht raportohet vetëm për dëme materiale.
Ngjarja është raportuar në rrugën “Thoma Goxhaj”, rreth orës 23:30, ku janë shkaktuar vetëm dëme të vogla materiale.
Servisi është në pronësi të një personi me inicialet E.D, ndërsa për momentin nuk bëhen me dije të tjera detaje, mbi rrethanat e ngjarjes.
Shërbimet e policisë dhe grupi hetimor ndodhen në vendngjarje, dhe po punojnë për identifikimin dhe kapjen e autorit, si dhe zbardhjen e plotë të ngjarjes.
