E diel, 28 Nëntor, 2021
13.5 C
Tirana

Berisha mobilizon të rinjtë kundër Bashës, “Foltores” i bashkohet edhe Këlliçi

Ish-kryeministri Sali Berisha është takuar dje me të rinjtë demokratë që i ishin bashkuar “Foltores” së tij tek Amfiteatri në Tiranë, nga gjithë vendi. Ai hodhi akuza të forta ndaj kryedemokratit Lulzim Basha për shpalljen e zgjedhjeve të reja për drejtuesit e Forumit Rinor të Partisë Demokratike dhe Lëvizjes së Gruas së PD, ndërsa mobilizoi të rinjtë kundër liderit demokrat. Sipas Berishës, Basha është në panik.

Berisha akuzoi Bashën se po trembet nga rinia demokrate, dhe kërkon t’u mbyll gojën përmes uzurpimit të FRDP dhe Forumit të Gruas. Sipas tij, kreu i PD-së ka frikë nga anëtarësia e partisë.

“Peng kryetari ka humbur çdo lloj morali, dhe së fundmi është sulur ndaj organizatës së të rinjve dhe grave, në një hakmarrje primitive. Vendi i tij, po të ishte burrë duhet të ishte para jush. Duhet të ishte këtu në një debat të hapur. Por i kyçur në zyrën e tij, jep urdhra me telefon për uzurpimin e FRPD dhe Lidhjes së Grave. Forumi ka drejtuesit e tij, statutin e tij. Ai nuk është pronë e askujt, por tërësi e idealeve më fisnike.

Askush nga ju nuk është kundër zbatimit të statutit, askush nuk është kundër proceseve zgjedhore, por ato janë kompetencë ekskluzive e juaja. Do të jeni ju që organizoni procesin zgjedhor dhe zgjidhni drejtuesit. Kryetarin e ka kapur një frikë e tmerr nga anëtarësia e partisë. Është krejtësisht i pashpresë. Ftojeni në debat, të mos fshihet dhe të mësojë nga ju ABC e demokracisë. Po sillet sikur është shkolluar në Korenë e Veriut”, deklaroi Berisha.

“Foltores” për rininë i ishte bashkuar edhe Belind Këlliçi, i cili tha se nuk duhet harruar kurrë se kush ishte personi që rrëzoi diktaturën, duke iu referuar ish-kryeministrit Berisha.

Ndërsa vetë Berisha nga ana tjetër tha se në 2017, Basha e shihte Belind Këlliçin si rrezik potencial për t’i zënën vendin, dhe për këtë i mohoi të drejtën për t’u bërë deputet.

“Në kohën kur ai u la jashtë përfaqësimit në Parlament, përmes smirës se kryetari shikonte një njeri që mund ti zinte vendin, ua them unë, Belind Këlliçi nuk u braktisi ju, por ju shndërroi ju në opozitë më të mirë të këtij vendi”, tha Berisha.

Berisha kërcënon Bashën me shkarkim

Të rinjtë e FRPD-së i kanë bërë thirrje publike kreut të Partisë Demokratike, Lulzim Basha, duke i kërkuar që ai të jap dorëheqjen. Sakaq, ish-kryeministri Berisha ka bërë një ndërhyrje, duke thënë se nuk do ta lejojnë që Basha të jap dorëheqjen, por do ta heqin.

“Nuk do ta lejojmë të japë dorëheqjen jo, do ta heqim”, u shpreh ai. Ndërkohë Berisha shtoi se përveç Kuvendit, kryetarin e PD-së e shkarkon dhe vota e anëtarëve.

“Kuvendi, qëllimin më madhor ka rivendosjen, rikthimin e PD-së nëpërmjet normave të qarta në Shtëpinë e Lirisë. Kuvendi do të sanksionojë nene, kur kryetari nuk do të guxojë të shkelë normat statutore, pasi të jetë automatikisht i shkarkuar. Kuvendi i ka të gjitha fuqitë të shkarkimit të kryetarit dhe fuqi tjetër.

Unë mendoj se Kuvendi përgjigjen e parë do të japë, ndryshimet e thella statutore. Shkarkimi i Lulzim Bashës përveç se nga Kuvendi, duhet të bëhet me votën tuaj në të gjithë Shqipërinë. Unë nuk do të kundërshtoj kurrë verdiktin, kur vota juaj do të jetë e lirë”, nënvizoi ai.

Të rinjtë e FRPD-së që kanë marrë pjesë dje në “Foltore”, kanë kërkuar shkarkimin e Bashës, madje e kanë hedhur me votim live, teksa kanë kërkuar të ngrinin dorën kush ishte pro. “Kush është pro shkarkimit, të ngrejë dorën. Të gjithë kundër Bashës, abstenim s’ka”, tha një i ri, që ka shkaktuar të qeshura te Berisha.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...