Kryeministri Rama ka shtrënguar edhe më shumë masat e ndërmarra, për kufizimin në masë të virusit vdekjeprurës. Në postimin e radhës në Facebook, ai ka paralajmëruar të gjithë banorët, të cilët kanë shkelur vendimin e qeverisë.
Teksa i mëshon fort faktit në çdo komunikim që ka me shqiptarët, se nuk duhet të kenë frikë, por kujdes të shtuar, ai citon se sipas të gjitha gjasave, perimetri Tiranë-Durrës do të mbyllet përsëri.
Edi Rama paralajmëron blindimin e dy qyteteve kryesore në vend, Tiranës dhe Durrësit, edhe pas të dielës. Nëpërmjet një shënimi në faqen e tij në Facebook, Rama ka apeluar të gjithë qytetarët që jetojnë në Tiranë dhe Durrës, që janë larguar në qytete të tjera, të kthehen.
Statusi
🔴 KUSH BANON NË TIRANË/DURRËS DHE ËSHTË LARGUAR PËR FUNDJAVË TË GJATË NË KORÇË OSE GJETKË, TË SIGUROHET TË HYJË NË PERIMETRIN E BLINDUAR GJATË HAPJES SË RRUGËVE HYRËSE, PAS MESNATËS TË SË DIELËS DHE JO MË VONË SE ORA 08.00 E MËNGJESIT.
🔴 KUSH BANON NË TIRANË/DURRËS DHE ËSHTË AKTUALISHT BRENDA PERIMETRIT, TË SIGUROHET QË TË MOS PLANIFIKOJË LËVIZJE JASHTË PERIMETRIT NË FILLIMJAVËN E ARDHSHME (DUKE SHFRYTËZUAR HAPJEN E RRUGËVE NGA E DIELA NE MESNATË DERI TË HËNËN NË 08.00) SEPSE MUND TË MOS RIHYJË DOT!
SIPAS TË GJITHA GJASAVE PERIMETRI TR/DR DO TË MBYLLET PËRSËRI!
🔴 FRIKË JO, KUJDES PO!
