Tashmë kanë përfunduar në mënyrë zyrtare operacionet e kërkim-shpëtimit në Thumanë. Tani emergjenca në fshatin e goditur është ndihma logjistike dhe psikologjike ndaj familjeve të goditura.
Një pjesë e banorëve në kampin e Thumanës, do të zhvendosen në hotelet e vëna në dispozicion në Shëngjin. Këtë e konfirmojnë burime për “A2”.
Paraprakisht flitet për 300 veta, ku bëhet fjalë kryesisht për kategori të caktuara si fëmijë, gra shtatzëna dhe të moshuar, që do të përfaqësojnë valën e parë të transferimit.
Ndërkohë, pritet mbledhja e Këshillit Bashkiak të Krujës, për vendimmarrje mbi pallatet 5 katëshe që janë rrënuar pjesërisht. Pas këtij vendimi, IKMT do fillojë procedurat e shkatërrimit të kontrolluar të gërmadhave të mbetura.
