Kryetari i PD-së, Lulzim Basha, ka vizituar ditën e sotme banorët e Kavajës, të cilët janë prekur nga tërmeti prej 6.4 ballësh.
Kryedemokrati i ka bërë thirrje autoriteteve që të inspektojnë edhe banesat në Kavajë, pasi edhe atje dëmi është i konsiderueshëm.
Banorët e zonës i thanë Bashës se janë të detyruar të flenë nëpër makina. Ata thanë se po presin ekspertët për të përcaktuar nëse banesat e tyre janë të banueshme apo jo.
“Erdha nga Elbasani, miqtë tanë atje kanë hapur vende nëse keni nevojë. Jeta është mbi të gjitha. Askush të mos hyjë në pallatet e dëmtuara”, deklaroi ai.
