Ambasadori i Shteteve të Bashkuara të Amerikës në Kosovë, Philip Kosnett ka dhënë qëndrimin e tij mbi çështjen e dialogut Kosovë-Serbin. Sipas tij, pauza në këtë proces nuk e ka ndihmuar aspak Kosovën. Si në aspektin ekonomik, po ashtu edhe në pozicionin e saj ndërkombëtar.
Kosnett shtoi se qeveria e ardhshme duhet të nxisë nisjen e dialogut me Serbinë. Në një intervistë me Telegrah, ambasadori u shpreh se kjo është e domosdoshme për integrimin e Kosovës.
“Nuk ka asnjë mënyrë të ketë integrim të plotë të Kosovës në rrafshin ndërkombëtar; pa një marrëveshje gjithëpërfshirëse me Serbinë.”
Ai shpreson se qeveria e re e Kosovës do të formohet sa më shpejt dhe do t’i “adresohet këtyre çështjeve serioze”.
“Marrëdhëniet më të mira me Serbinë nuk do të dëmtojnë përpjekjet për të ndërtuar një të ardhme më të mirë për popullin e Kosovës. Por, do t’i përmirësojnë ato”, u shpreh ambasadori amerikan.
Duke komentuar procesin e zgjedhjeve parlamentare ambasadori Kosnett bëri thirrje që të certifikohen zgjedhjet dhe të formohet qeveria e re, sa më shpejt të jetë e mundur./ Burimi: Al Jazeera Balkans Përshtati: Tirana Today
