Koreja e Veriut ka ekzekutuar një person për shkak se theu rregullat e Covid-19. Lajmi është bërë i ditur nga mediat e huaja, ku janë shprehur se ai është pushkatuar në datë 28 nëntor.
50-vjeçari është pushkatuar në sy të publikut për ta bërë atë mësim për të gjithë popullin korean që të mos thyejnë rregullat e vendosura nga lideri Kim Jong Un.
Një dëshmitar i ngjarjes tha për ”Dailymail” se 50-vjeçari ishte akuzuar për kalim të kufirit ilegalisht drejt Kinës për të bërë disa marrëveshje tregtare.
“Ata bënë një ekzekutim publik duke qëlluar për të kërcënuar banorët në zonën kufitare, sepse ka pasur shumë kontakte me njerëz në anën tjetër të kufirit, duke përfshirë shumë kontrabandë”, ka thënë një burim vendor për mediat e huaja.
Kim Jong Un ka thënë se për shkak të rregullave të ashpra që ka marrë në Koren e Veriut nuk ka asnjë rast pozitiv me Covid. Më tej, ai është shprehur se të gjithë personat që nuk respektojnë masat që ai ka vendosur do të ndëshkohet.
